Mae Polisi wedi arwain prosiectau adweithiol, yn seiliedig ar dystiolaeth, yn ogystal â chynhyrchu tystiolaeth a syniadau newydd ar amrediad eang o bynciau sy’n effeithio ar iechyd a llesiant y boblogaeth yng Nghymru. Gyda ffocws ar y cyd-destun polisi domestig, mae Polisi wedi ymgymryd â gwaith ar amrediad o bynciau, gan gynnwys effeithiau posibl Brexit, perthynas iechyd â’r economi ehangach, yr achos dros fuddsoddi mewn gwelliannau i dai a sut y gellir ymgorffori syniadau ar gyfer y dyfodol yn y gwaith o gynllunio polisi iechyd y cyhoedd.
Tîm Polisi Arwain: Sumina Azam
Beth rydym ni’n ei wneud
Mae’r Tîm Polisi yn cydlynu gwaith Iechyd Cyhoeddus Cymru o fonitro ac o gyfrannu at ymgynghoriadau, datblygiadau polisi a deddfwriaeth sy’n effeithio ar iechyd y boblogaeth. Nod y tîm yw dylanwadu ar ddatblygiad polisi iechyd y cyhoedd yng Nghymru drwy gydweithio ag ystod eang o bartneriaid o fewn a thu allan i’r sefydliad, ac ymgymryd â phrosiectau a rhaglenni gwaith.
Beth rydyn ni wedi’i wneud
Mae’r gwaith diweddar yn cynnwys: cynhyrchu pecyn cymorth Tri Gorwel i helpu cyrff cyhoeddus ac eraill i feddwl a chynllunio ar gyfer y dyfodol a’r tymor hwy; Adroddiad Pobl Ifanc a Brexit, i edrych ar iechyd a llesiant ac effaith dybiedig Brexit; Y System Dreth a Ffyrdd Iachach o Fyw; Gwella iechyd a llesiant yn ystod y gaeaf a lleihau pwysau’r gaeaf yng Nghymru, yn ogystal ag ystod o adroddiadau ar dai ac iechyd.
Mae’r meysydd gwaith allweddol cyfredol yn cynnwys: Brexit; Covid 19 gan gynnwys cynhyrchu diweddariadau dyddiol ar Covid-19; cefnogi ystod o Asesiadau o’r Effaith ar Iechyd a chynnal Effaith Diogelwch Tai ar Iechyd (yn cynnwys digartrefedd a theimlo’n ddiogel yn y cartref) yng ngoleuni Covid-19; cydlynu a chynhyrchu ymatebion sefydliadol i ystod o ymgynghoriadau cenedlaethol, a gweithio mewn partneriaeth â Swyddfa Cenedlaethau’r Dyfodol ar waith Dyfodol Covid-19 a chynllunio hirdymor.
Tîm Polisi
Dr. Louisa Petchey
Uwch Arbenigwr PolisiYmunodd Louisa ag Iechyd Cyhoeddus Cymru yn 2018. Yn ei rôl gyfredol, mae Louisa yn rheoli’r tîm Polisi ac yn arwain partneriaeth gydweithredol gyda swyddfa Comisiynydd Cenedlaethau’r Dyfodol ar wreiddio’r ffordd hirdymor o weithio yn y gwaith o feddwl a chynllunio ar gyfer cyrff cyhoeddus. Cyn y penodiad hwn, dylanwadodd Louisa ar bolisi ac arferion ar ran elusennau iechyd a chyfiawnder cymdeithasol, a chwblhaodd PhD mewn Geneteg Ddatblygiadol.
Jo Peden
Ymgynghorydd mewn Iechyd Cyhoeddus ac Iechyd RhyngwladolMae’r Athro Jo Peden yn Ymgynghorydd Iechyd y Cyhoedd ac Iechyd Rhyngwladol yn y Tîm Polisi ac Iechyd Rhyngwladol. Mae ganddi Gadair Athro er Anrhydedd o Brifysgol Wolverhampton yn ymwneud â’i gwaith ar atal trais, gwella iechyd merched a phlant yn y carchar a gwerthuso newid systemau cymhleth. Mae hi wedi gweithio cyn hyn i Uchel Gomisiynydd y Cenhedloedd Unedig dros Ffoaduriaid (UNHCR) ym Malaysia a Sefydliad Bwyd ac Amaeth y Cenhedloedd Unedig (FAO) yn Rhufain ac fel Dirprwy Gyfarwyddwr Rhaglenni Iechyd y Cyhoedd ar gyfer Public Health England South, gan arwain ar anghydraddoldebau iechyd. Yn 2019 helpodd Jo i sefydlu Partneriaeth Atal Trais Gorllewin Canolbarth Lloegr sy’n defnyddio dull iechyd y cyhoedd o atal trais. Mae hi hefyd wedi gweithio yn y gorffennol fel Ymgynghorydd Diogelu Iechyd.
Leah Silva
Uwch Bolisi a Swyddog Datblygu Tystiolaeth RhyngwladolYmunodd Leah ag Iechyd Cyhoeddus Cymru yn 2022 yn Uwch Swyddog Datblygu Polisi a Thystiolaeth Ryngwladol. Cyn y rôl hon, gweithiodd Leah yng Nghanolfan Polisi Cyhoeddus Cymru gan ganolbwyntio ar blant sy’n derbyn gofal, yr economi a sgiliau, iechyd a gofal cymdeithasol, a phrosiectau addysg drydyddol. Yn flaenorol, bu Leah yn gweithio yng Nghymdeithas Swyddogion Iechyd y Wladwriaeth a Thiriogaethol (ASTHO) yn yr Unol Daleithiau, lle helpodd i adeiladu gallu arweinyddiaeth asiantaethau iechyd y wladwriaeth a thiriogaethol i nodi, datblygu a gweithredu cyfraith a pholisi sy’n seiliedig ar dystiolaeth. Mae hefyd wedi gweithio yn llywodraeth y wladwriaeth yn gyfreithiwr iechyd y cyhoedd.
Sara Elias
Uwch Swyddog PolisiMae Sara yn Uwch Swyddog Polisi yn y Tîm Polisi, ac ymunodd ag Iechyd Cyhoeddus Cymru yn 2022. Mae gwaith Sara ar hyn o bryd yn canolbwyntio ar bartneriaeth â Swyddfa Comisiynydd Cenedlaethau’r Dyfodol ar ymgorffori meddwl hirdymor yn y gwaith o lunio polisi cyhoeddus, ac ar hyrwyddo’r Ddyletswydd Economaidd-gymdeithasol i effeithio ar benderfynyddion ehangach iechyd. Cyn y rôl hon, mae Sara wedi gweithio ym maes ymchwil a gwerthuso i lywio polisi ac, yn fwy diweddar, mae wedi arwain swyddogaeth Polisi Strategol yr Awdurdod Lleol.
Manon Roberts
Uwch Swyddog PolisiMae Manon yn Uwch Swyddog Polisi yn y Tîm Polisi, ac ymunodd ag Iechyd Cyhoeddus Cymru yn 2022. Mae gwaith Manon yn canolbwyntio ar dai, cyfalaf cymdeithasol a phenderfynyddion ehangach iechyd. Cyn y rôl hon, gweithiodd Manon yng Nghanolfan Polisi Cyhoeddus Cymru, gan ganolbwyntio ar bolisi yn ymwneud â chydraddoldebau, ac yn Crest Advisory, gan arbenigo mewn polisi troseddu a chyfiawnder.
Menna Thomas
Swyddog Polisi Iechyd y CyhoeddMae Menna yn Swyddog Polisi yn y Tîm Polisi. Gwnaeth hi ymuno ag Iechyd Cyhoeddus Cymru yn 2022. Mae Menna yn gweithio ar ddigartrefedd a chyfalaf cymdeithasol ac mae’n cydlynu ymatebion i ymgynghoriadau Iechyd Cyhoeddus Cymru. Cyn hynny, bu Menna yn gweithio ym maes polisi ac ymarfer mewn sefydliadau sector cyhoeddus a gwirfoddol gyda phlant, pobl ifanc a theuluoedd.
Lewis Brace
Swyddog Ymchwil Polisi Iechyd y CyhoeddYmunodd Lewis â’r tîm Polisi ac Iechyd Rhyngwladol fel Swyddog Ymchwil Polisi Iechyd y Cyhoedd ym mis Gorffennaf 2021 ar ôl gweithio i Iechyd Cyhoeddus Cymru ar yr ymateb i COVID fel ymarferydd yn nhîm Caerdydd a’r Fro. Ar hyn o bryd, mae Lewis yn ymwneud â phrosiectau ymchwil ar lesiant y gaeaf, newid hinsawdd ac ynni adnewyddadwy. Yn ei amser hamdden, mae’n mwynhau bod yn yr awyr agored ac archwilio arfordir Cymru yn ei gwch.
I gael rhagor o wybodaeth am waith Polisi, anfonwch e-bost i publichealth.policy@wales.nhs.uk neu
cysylltwch â Louisa Petchey, Uwch Arbenigwr Polisi, ar Louisa.Petchey@wales.nhs.uk.